ਵਿਭਾਗ ਦੀ ਸਥਾਪਨਾ
ਇਹ ਕੇਂਦਰ 27 ਜੁਲਾਈ, 2010 ਨੂੰ ਪੰਜਾਬੀ ਕੰਪਿਊਟਰ ਵਰਤੋਂਕਾਰਾਂ ਦੀ ਸਹਾਇਤਾ ਲਈ ਸਥਾਪਿਤ ਕੀਤਾ ਗਿਆ। ਵਰਤੋਂਕਾਰ ਵੈੱਬਸਾਈਟ ਤੇ ਮੁਹੱਈਆ ਕਰਾਈ ਫ਼ੋਨ, ਈ-ਮੇਲ ਅਤੇ ਬਲੌਗ ਸੁਵਿਧਾ ਰਾਹੀਂ ਆਪਣੇ ਸਵਾਲਾਂ ਦੇ ਜਵਾਬ ਪ੍ਰਾਪਤ ਕਰ ਸਕਦੇ ਹਨ। ਇਸ ਵੈੱਬਸਾਈਟ ਤੇ ਪੰਜਾਬੀ ਸਾਫ਼ਟਵੇਅਰਾਂ ਅਤੇ ਅਹਿਮ ਪੰਜਾਬੀ ਵੈੱਬ ਪੰਨਿਆਂ ਦੇ ਲਿੰਕ ਵੀ ਦਿੱਤੇ ਗਏ ਹਨ।
ਯੋਗਦਾਨ
ਕੇਂਦਰ ਉਨ੍ਹਾਂ ਲੋਕਾਂ ਦੀ ਸਹਾਇਤਾ ਕਰਨ ਵਿੱਚ ਯੋਗਦਾਨ ਪਾ ਰਿਹਾ ਹੈ ਜੋ ਪੰਜਾਬੀ ਭਾਸ਼ਾ ਵਿੱਚ ਸਮਾਰਟ ਫੋਨਾਂ ਜਾਂ ਕੰਪਿਊਟਰ ਵਰਤਦੇ ਹਨ। ਕੇਂਦਰ ਵਿਖੇ ਪੁੱਛਗਿੱਛ ਲਈ ਆਨ-ਲਾਈਨ ਅਗਵਾਈ ਸੁਵਿਧਾ, ਬਲੌਗ ਸਹੂਲਤ ਅਤੇ ਫ਼ੋਨ ਸਹਾਇਤਾ ਸੰਪਰਕ ਦੀ ਸੁਵਿਧਾ ਹੈ।
ਪੰਜਾਬੀ ਦੇ ਖੋਜਾਰਥੀਆਂ ਨੂੰ ਪੰਜਾਬੀ ਕੰਪਿਊਟਰ ਵਿੱਚ ਸਿਖਲਾਈ ਦੇਣ ਲਈ ਸੱਤ ਦਿਨਾਂ ਦੀਆਂ ਕਾਰਜਸ਼ਾਲਾਵਾਂ ਲਾਈਆਂ ਜਾਂਦੀਆਂ ਹਨ।
ਯੂਨੀਵਰਸਿਟੀ ਦੇ ਕਰਮਚਾਰੀਆਂ ਅਤੇ ਅਧਿਆਪਕਾਂ ਲਈ ਮਿਆਰੀ ਯੂਨੀਕੋਡ ਸਿਸਟਮ ਬਾਰੇ ਜਾਗਰੂਕਤਾ ਪ੍ਰਦਾਨ ਕਰਾਉਣ ਲਈ ਕੇਂਦਰ ਕਈ ਕਾਰਜਸ਼ਾਲਾਵਾਂ ਲਾ ਚੁੱਕਾ ਹੈ। ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਦੀ ਪਹਿਲੀ ਸੰਸਥਾ ਹੈ ਜਿੱਥੇ ਦਫ਼ਤਰੀ ਕੰਮ-ਕਾਜ ਵਿੱਚ ਮਿਆਰੀ ਯੂਨੀਕੋਡ ਅਧਾਰਤ ਫੌਂਟਾਂ ਦੀ ਵਰਤੋਂ ਕਰਨੀ ਲਾਜ਼ਮੀ ਹੈ।
ਕੇਂਦਰ ਨੇ ਪੰਜਾਬੀ ਕੰਪਿਊਟਿੰਗ ਵਿੱਚ ਸਿਖਲਾਈ ਲਈ ਸਰਟੀਫਿਕੇਟ ਕੋਰਸ ਸ਼ੁਰੂ ਕੀਤਾ ਹੈ। ਕੇਂਦਰ ਵੱਲੋਂ ਪੰਜਾਬੀ ਸਾਫ਼ਟਵੇਅਰ, ਕੋਸ਼ ਅਤੇ ਪੰਜਾਬੀ ਟਾਈਪਿੰਗ ਐੱਪਜ਼, ਸੀਡੀਜ਼, ਪੰਜਾਬੀ ਕੰਪਿਊਟਰ ਬਾਰੇ ਰੰਗਦਾਰ ਪੋਸਟਰ ਅਤੇ ਕਿਤਾਬਚੇ ਆਦਿ ਸਹਾਇਕ ਸਮਗਰੀ ਤਿਆਰ ਕੀਤੀ ਗਈ ਹੈ।
ਨਿਰੀਖਣ ਸੰਗ੍ਰਹਿ: ਸਮੱਸਿਆ-ਉਪਾਅ ਪਰਚੀ
ਵਰਤੋਂਕਾਰ ਵੱਖ-ਵੱਖ ਮਾਧਿਅਮਾਂ (ਸਾਧਨਾਂ) ਰਾਹੀਂ ਸਹਾਇਤਾ ਲੈਣ ਲਈ ਕੇਂਦਰ ਨਾਲ ਸੰਪਰਕ ਕਰਦੇ ਹਨ। ਆਮ ਤੌਰ 'ਤੇ ਉਹ ਆਪਣੀਆਂ ਸਮੱਸਿਆਵਾਂ ਨੂੰ ਹੱਲ ਕਰਾਉਣ ਲਈ ਨਿੱਜੀ ਤੌਰ 'ਤੇ ਕੇਂਦਰ ਦਾ ਦੌਰਾ ਕਰਦੇ ਹਨ। ਇਸ ਤੋਂ ਇਲਾਵਾ ਉਹ ਐੱਸਐੱਮਐੱਸ, ਈ-ਮੇਲ, ਟੈਲੀਫੋਨ, ਫ਼ੇਸਸਬੁਕ ਅਤੇ ਵਟਸਐਪ ਦੀ ਵਰਤੋਂ ਵੀ ਕਰਦੇ ਹਨ। ਵਰਤੋਂਕਾਰਾਂ ਦੇ ਸਵਾਲ ਆਮ ਤੌਰ ਤੇ ਸੰਚਾਲਨ ਪ੍ਰਣਾਲੀ, ਅਧਿਐਨ/ਅਧਿਆਪਨ ਅਨੁਵਾਦ/ਲਿਪੀਅੰਤਰਣ, ਇੰਟਰਨੈਟ, ਸਾਫ਼ਟਵੇਅਰ, ਹਾਰਡਵੇਅਰ, ਫੌਂਟ ਕਨਵਰਟਰ, ਫੌਂਟ/ਕੀ-ਬੋਰਡ / ਟਾਈਪਿੰਗ, ਭਾਸ਼ਾਈ ਸਾਧਨ, ਮੋਬਾਈਲ, ਯੂਨੀਕੋਡ ਆਦਿ ਨਾਲ ਸਬੰਧਤ ਹੁੰਦੇ ਹਨ।
ਮੀਡੀਆ ਰਾਹੀਂ ਜਾਗਰੂਕਤਾ
ਕੇਂਦਰ ਪ੍ਰਿੰਟ, ਇਲੈਕਟ੍ਰੋਨਿਕਸ ਅਤੇ ਸਾਈਬਰ ਮੀਡੀਆ ਰਾਹੀਂ ਇੱਕ ਜਾਗਰੂਕਤਾ ਮੁਹਿੰਮ ਚਲਾ ਰਿਹਾ ਹੈ। ਕੇਂਦਰ ਦੇ ਸਹਾਇਕ ਪ੍ਰੋਫੈਸਰ ਡਾ. ਸੀ. ਪੀ. ਕੰਬੋਜ ਪੰਜਾਬੀ ਭਾਸ਼ਾ ਦੇ ਕੰਪਿਊਟਰੀਕਰਣ 'ਤੇ 30 ਕਿਤਾਬਾਂ, 2500 ਤੋਂ ਵੱਧ ਲੇਖ ਅਤੇ 10 ਖੋਜ ਪੱਤਰ ਲਿਖ ਚੁੱਕੇ ਹਨ। ਰੋਜ਼ਾਨਾ ਅਜੀਤ ਅਤੇ ਪੰਜਾਬੀ ਟ੍ਰਿਬਿਊਨ ਵਿਚ ਤਾਜ਼ਾ ਜਾਣਕਾਰੀ ਦਾ ਇੱਕ ਲਗਾਤਾਰ ਕਾਲਮ ਵੀ ਜਾਰੀ ਹੈ। ਪੰਜਾਬੀ ਕੰਪਿਊਟਰ ਦੀ ਜਾਗਰੂਕਤਾ ਲਈ ਉਹ ਵੈੱਬਸਾਈਟਾਂ, ਬਲੌਗਾਂ, ਵੈੱਬ ਪੰਨਿਆਂ, ਵਟਸਐਪ ਸੱਥਾਂ, ਫੇਸਬੁਕ ਅਤੇ ਹੋਰ ਸੋਸ਼ਲ ਮੀਡੀਆ ਮਾਧਿਅਮਾਂ ਨਾਲ ਨਿਰੰਤਰ ਜੁੜੇ ਹੋਏ ਹਨ।
ਫ਼ੋਨ ਸਹਾਇਤਾ ਸੰਪਰਕ
ਦੇਸ਼ ਦੇ ਵੱਖ ਵੱਖ ਹਿੱਸਿਆਂ ਦੇ ਵਰਤੋਂਕਾਰ ਕੰਪਿਊਟਰ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਲਈ ਕੇਂਦਰ ਨਾਲ ਸੰਪਰਕ ਕਰਦੇ ਰਹਿੰਦੇ ਹਨ। ਇਸ ਮਕਸਦ ਲਈ ਫ਼ੋਨ ਸਹਾਇਤਾ ਸੰਪਰਕ ਨੰਬਰ 0175-304-6566 ਸ਼ੁਰੂ ਕੀਤਾ ਗਿਆ ਹੈ।
ਪਾਠਕ੍ਰਮ
ਪਾਠਕ੍ਰਮ...
ਸਾਰੇ ਕੋਰਸ / ਕਾਰਜਸ਼ਾਲਾਵਾਂ ਆਦਿ ਥੋੜ੍ਹੇ ਸਮੇਂ ਦੇ ਕੋਰਸ ਹਨ ਅਤੇ ਜੋ ਕਿਸੇ ਹੋਰ ਵੱਡੇ ਕੋਰਸ ਦੇ ਨਾਲ-ਨਾਲ ਕੀਤੇ ਜਾ ਸਕਦੇ ਹਨ। ਹਦਾਇਤਾਂ ਅਤੇ ਪ੍ਰੀਖਿਆ ਦਾ ਮਾਧਿਅਮ ਕੇਵਲ ਪੰਜਾਬੀ ਹੈ।
About The Department
Date of Establishment of the Department:2003
This Centre was established on 27th July, 2010 to help the Punjabi Computer users. The users can get answers to their queries through phone, e-mail and blogging facilities provided on the website. Numerous Punjabi Software and links of important Punjabi sites are also provided on this website.
>
ਪਾਠਕ੍ਰਮ
ਪਾਠਕ੍ਰਮ ਡਾਊਨਲੋਡ
ਪੇਸ਼ ਕੀਤੇ ਗਏ ਕੋਰਸ ਅਤੇ ਫੈਕਲਟੀ
pchc@pbi.ac.in
0175-5136566
Information authenticated by
Head, DPD
Webpage managed by
University Computer Centre
Departmental website liaison officer
Dr. Amarjeet Kaur
Last Updated on:
08-07-2021