ਪੰਜਾਬੀ ਯੂਨੀਵਰਸਿਟੀ ਹਿਉਮਨ ਰਿਸੋਰਸ ਸੈਂਟਰ ਦਾ ਉਦੇਸ਼

ਪੰਜਾਬੀ ਯੂਨੀਵਰਸਿਟੀ ਹਿਉਮਨ ਰਿਸੋਰਸ ਸੈਂਟਰ ਦਾ ਉਦੇਸ਼ ਹੈ ਵਿਦਿਆਰਥੀਆਂ ਦਾ ਸਾਥ ਤੇ ਵਿਦਿਆ ਦਾ ਵਿਕਾਸ। ਇਕ ਪਾਸੇ ਯੋਗਤਾ ਪ੍ਰਾਪਤ ਉਮੀਦਵਾਰ ਨੋਕਰੀ ਦੀ ਤਲਾਸ਼ ਕਰ ਰਹੇ ਹਨ ਅਤੇ ਦੁਸਰੇ ਪਾਸੇ ਕਾਲਜ ਇਸ ਮੁਸ਼ਕਲ ਵਿਚ ਹਨ ਕਿ ਯੋਗ ਅਧਿਆਪਕ ਨਹੀਂ ਮਿਲ ਰਹੇ। ਇਕ ਪਾਸੇ ਸਮੱਸਿਆ ਨੋਕਰੀ ਨਾ ਮਿਲਣਾ ਹੈ ਅਤੇ ਦੁਸਰੇ ਪਾਸੇ ਕਾਲਜਾਂ ਨੂੰ ਕੋਈ ਯੋਗ ਉਮੀਦਵਾਰ ਨਹੀਂ ਮਿਲ ਰਿਹਾ। ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਨੇ ਆਪਣੇ ਨਾਲ ਸੰਬੰਧਿਤਾ ਪ੍ਰਾਪਤ ਕਾਲਜਾਂ ਵਿਚ ਵਿਦਿਅਕ ਮਿਆਰ ਨੂੰ ਉੱਚਾ ਚੁੱਕਣ ਲਈ, ਅਤੇ ਯੋਗ ਉਮੀਦਵਾਰ ਨੂੰ ਨੌਕਰੀ ਦੀ ਭਾਲ ਵਿਚ ਸਹਾਇਤਾ ਕਰਨ ਲਈ ਪੰਜਾਬੀ ਯੂਨੀਵਰਸਿਟੀ ਹਿਉਮਨ ਰਿਸੋਰਸ ਸੈਂਟਰ ਦੀ ਸਥਾਪਨਾ ਕੀਤੀ ਹੈ। ਇਸ ਸੈਂਟਰ ਦਾ ਕਾਰਜ ਖੇਤਰ ਨੌਕਰੀ ਪ੍ਰਾਪਤ ਕਰਨ ਵਾਲੇ ਅਤੇ ਨੌਕਰੀ ਦੇਣ ਵਾਲੀਆਂ ਧਿਰਾਂ ਵਿਚ ਤਾਲਮੇਲ ਕਰਨਾ ਹੈ।

ਪੰਜਾਬੀ ਯੂਨੀਵਰਸਿਟੀ ਹਿਉਮਨ ਰਿਸੋਰਸ ਸੈਂਟਰ ਦਾ ਕਾਰਜ ਖੇਤਰ

• ਪੰਜਾਬੀ ਯੂਨਵਿਰਸਿਟੀ, ਪਟਿਆਲਾ ਤੋਂ ਡਿਗਰੀ ਪ੍ਰਾਪਤ ਕਰ ਚੁੱਕੇ, ਨੌਕਰੀ ਲਈ ਯੋਗ ਵਿਦਿਆਰਥੀਆਂ ਦੀ ਵਿਸ਼ੇ ਆਧਾਰਤ ਸੂਚੀ ਤਿਆਰ ਕਰਨਾ।
• ਹਰ ਯੋਗ ਵਿਦਿਆਰਥੀ ਦਾ ਬਾਇਓ ਡੈਟਾ, ਵਿਸ਼ੇ ਦੀ ਮੁਹਾਰਤ ਤੇ ਹੋਰ ਜਾਣਕਾਰੀ ਨੂੰ ਇਕੱਤਰ ਕਰਨਾ।
• ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਤੋਂ ਸੇਵਾ-ਮੁਕਤ ਅਧਿਆਪਕਾਂ ਦਾ ਡੈਟਾ-ਬੇਸ ਤਿਆਰ ਕਰਨਾ।
• ਕਾਲਜਾਂ ਵੱਲੋਂ ਅਸਾਮੀਆਂ ਦੇ ਵਿਗਿਆਪਨ ਨੂੰ ਸੈਂਟਰ ਦੇ ਪੋਰਟਲ ਤੇ ਪਾਉਣਾ।
• ਕਾਲਜਾਂ ਦੀਆਂ ਅਸਾਮੀਆਂ ਦੀ ਜਰੂਰਤ ਅਨੁਸਾਰ ਕਾਲਜ ਅਤੇ ਯੋਗ ਉਮੀਦਵਾਰ ਵਿਚ ਸਹਿਯੋਗ ਕਰਨਾ।
• ਕਿਸੇ ਵੀ ਕਾਲਜਫ਼ਯੂਨੀਵਰਸਿਟੀ ਵਿਚ ਚੁਣੇ ਜਾਣ ਤੇ ਉਮੀਦਵਾਰ ਸੈਂਟਰ ਨੂੰ ਸੂਚਿਤ ਕਰੇਗਾ ਤਾਂ ਜੋ ਉਸ ਅਨੁਸਾਰ ਰਿਕਾਰਡ ਵਿਚ ਸੋਧ ਕੀਤੀ ਜਾ ਸਕੇ।

ਪੰਜਾਬੀ ਯੂਨੀਵਰਸਿਟੀ ਹਿਉਮਨ ਰਿਸੋਰਸ ਸੈਂਟਰ ਦੀ ਸੀਮਾ

ਸੈਂਟਰ ਕਿਸੇ ਵੀ ਵਿਦਿਆਰਥੀ ਦੀ ਯੋਗਤਾ ਜਾਂ ਤਜਰਬੇ ਦੀ ਜੁਮੇਵਾਰੀ ਨਹੀਂ ਲਵੇਗਾ। ਇਹ ਕਾਰਜ ਪਹਿਲਾਂ ਵਾਂਗ, ਨਿਯਮਾਂ ਅਨੁਸਾਰ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੀ ਸਿਲੇਕਸ਼ਨ ਕਮੇਟੀ ਹੀ ਕਰੇਗੀ। ਸੈਂਟਰ; ਕਿਸੇ ਉਮੀਦਵਾਰ ਨੂੰ ਕਿਸ ਕਾਲਜ ਵਿਚ ਰੱਖਣਾ ਹੈ, ਇਸਦੀ ਵੀ ਸਿਫਾਰਸ਼ ਨਹੀਂ ਕਰੇਗਾ। ਸੈਂਟਰ ਸਿਰਫ ਉਮੀਦਵਾਰ ਦੀ ਪੂਰਨ ਜਾਣਕਾਰੀ ਸੰਬੰਧਤ ਕਾਲਜ ਨੂੰ ਦੇਵੇਗਾ।ਉਮੀਦਵਾਰ ਦੀ ਸਿਲੇਕਸ਼ਨ ਕਮੇਟੀ ਕਰੇਗੀ, ਉੱਥੇ ਜੁਇਨ ਕਰਨਾ ਜਾਂ ਨਾ ਕਰਨਾ ਉਮੀਦਵਾਰ ਤਹਿ ਕਰੇਗਾ। ਉਸਦੀ ਤਨਖਾਹ ਅਤ ੇਭੱੱਤੇ ਕਾਲਜ ਤੇ ੳਮੁੀਦਵਾਰ ਦੀ ਆਪਸੀ ਸਹਿਮਤੀ ਤੇ ਕਮੇਟੀ ਦੀ ਸਿਫਾਰਸ਼ ਤੇ ਨਿਰਭਰ ਕਰਨਗੇ।

Courses Offered and Faculty